Tayvan Xitoydagi harbiy mashg`ulotlarni kuzatish uchun atrofdagi hududlarga samolyotlar, kemalar jo`natib, quruqlikdagi raketa tizimlarini joylashtirdi.
Yaponiya Mudofaa vazirligi ma`lumotlariga ko`ra, Xitoyning to`rtta raketasi Tayvan bo`g`ozidagi keng ko`lamli harbiy mashg`ulotlar vaqtida Tayvan ustidan uchib o`tgan. Nemis deputatlari bahsli orolga tashrif buyurishlari mumkin.
Tayvan harbiylari atrofdagi hududlarda keng miqyosdagi havo va dengiz harbiy mashg`ulotlari vaqtida vaziyatni kuzatish uchun samolyotlar, kemalar va quruqlikdagi raketa tizimlarini jo`natdi.
Tayvan Mudofaa vazirligi Xitoy manyovrlarini o`ta provokasion deb atagan. Unda aytilishicha, Xitoyning bir qancha kemalari va samolyotlari Tayvan bo`g`ozining o`rta chizig`ini kesib o`tgan.
Tayvan bosh ijrochi direktori Say Inven Xitoyning orol yaqinidagi mashqlarini “mas`uliyatsizlik” deb atadi. U videomurojaatida Pekinni aql-idrok va vazminlikdan foydalanishga chaqirgan.
" – Tayvan keskinlashmaydi, lekin status-kvoni saqlab qolishni xohlaydi", – deydi Say Inven.
Shuningdek, uning ma`muriyati Tayvan portlari va aeroportlarining uzluksiz ishlashini ta`minlash va moliyaviy bozorlarni barqarorlashtirish uchun choralar ko`rayotganini aytdi.
