Joriy yilning 1–3 noyabr kunlari O`zbekistonda Xalqaro Ziyorat turizmi haftaligi bo`lib o`tadi. Bu haqda Turizm va madaniy meros vazirligi Matbuot xizmati xabar berdi.
Xalqaro haftalikdan ko`zlangan asosiy maqsad mamlakatimizda ziyorat turizmi salohiyatini yuzaga chiqarish, O`zbekistonni jahon sivilizasiyasining muhim markazlaridan biri sifatida tanitish, jahon hamjamiyati va xalqaro tashkilotlar tomonidan yuksak e`tirofga sazovor bo`lish, shuningdek, ziyorat turizmi xizmatlarini diversifikasiya qilish va turizm eksportini oshirishdan iborat.
Turizm haftaligi Turizm va madaniy meros vazirligi tashabbusi bilan qator tashkilotlar hamkorligida o`tkazilmoqda.
Haftalik dasturidan ziyorat turizmini rivojlantirish, mavzuga oid suvenirlarni targ`ib etishga qaratilgan ko`rgazmalar, seminarlar, ilmiy-amaliy konferensiyalar va madaniy-ma`rifiy tadbirlar o`tkaziladi. Jumladan, haftalik dasturidan Samarqand shahridagi yangi “Ipak yo`li” turistik markazining ochilishi, “Xiva – islom olami turizmi poytaxti” mavzusiga bag`ishlangan Xalqaro hunarmandchilik ko`rgazmasi, “Jahon ustalari” yarmarkasi va boshqa tadbirlar o`rin olgan.
