Kinematografiya agentligi tomonidan joriy yilning 23-29 oktyabr kunlari Namangan viloyati mahallalarida “Yangi O`zbekistonda el aziz, inson aziz” shiori ostida madaniy-marifiy tadbirlar bo`lib o`tishi rejalashtirilgan edi. Shu munosabat bilan ayni kunlarda bir guruh san`atkorlar Namangan viloyatida bo`lib turishibdi.
Kinematografiya agentligi jamoasi, taniqli sanatkorlar, manaviyat targ`ibotchilari va kinoijodkorlar ishtirokida aholi vakillari bilan muloqotlar, konsert dasturlari va ijodiy uchrashuvlar o`tkazilib, milliy filmlar namoyishini Namangan viloyatining barcha hududlarida yuqori saviyada tashkil etilishi belgilangan.
Tadbirlar davomida O`zbekiston xalq artistlari Dilorom Karimova, Muhammadsoli Yusupov, O`zbekistonda xizmat ko`rsatgan artistlar Abduhalil Mignorov, Matyoqub Matchonov, Gulchehra Sa`dullaeva, Anvar Azimov, Alisher Otaboev, shuningdek, Mukarrama Bekmurodova, Xurshid To`xtaev, Dilshodbek Kattabekov, Maruf Otajonov, Hushnud Sayfuddinov, Otabek Haqberdiev, Farhod Xudoyberdiev, Ulug`bek Yunusov, Bobur Arslonov, Hilol Nasimov, Fotih Nasimov, Akmal Nazarov, Zuxriddin Rejametov kabi yigirmadan ortiq sanatkorlar ishtirokida ijodiy uchrashuvlar ham tashkil etiladi.
“Kinokarvon” tadbirlari doirasida “Talvasa”, “Muhabbat bahori”, “Ayol qalbi”, “Bir kunlik to`y”, “101 reys”, “Meros”, “Puling bo`lsa”, “Ayol qismati”, “Baron 2. Sog`inch” va “Vatan ostonasida” kabi 15 dan ortiq badiiy va hujjatli filmlarning namoyishlari o`tkaziladi.
“Yangi O`zbekistonda el aziz, inson aziz” shiori ostida Namangan viloyatida o`tkazilayotgan madaniy-ma`rifiy tadbirlar aholi vakillariga ko`tarinki kayfiyat baxsh etmoqda. Namanganliklar o`ziga xos ma`naviy ozuqa bera oladigan filmlar namoyishidan mamnun ekanliklarini yashirib o`tirishmayapti.
“Bilasizmi, “Meros” kinokartinasi juda ta`sirli va ishonarli chiqqan. Ushbu film vatanimizni qadriga etib, tinchligimiz eng katta boyligimiz ekanligini hamisha his qilib yashashga undaydi. Tinch omon baxtli hayot kechirish ham, aksincha uni barbod qilish ham har bir insonning o`z qo`lida. Shunday ekan ogohlik davr talabi bo`lib turgan bir paytda bunday filmlar har qanday kishini sergak tortishga va ogoh bo`lishga chorlaydi” – deydi tomoshabinlardan biri.
Shu bilan birga Kinematografiya agentligi “Kinokarvon” jamoasi vakillari va taniqli san`at namoyondalari joylarda Namangan xalqi bilan yuzma-yuz uchrashishibmuloqotlar o`tkazishdi.
“Bir guruh hamkasblar bilan Namangandamiz. Biz san`atkorlar vodiyga har safar boshqacha ishtiyoq bilan tashrif buyuramiz. Bu erda hammaning ko`ngli san`atga oshufta, ijodni sevishadi.
Mamlakat bo`ylab kinotarg`ibot o`tkazayotgan “Kinokarvon” jamoasi 23-29 oktyabr kunlari Namanganda ijodiy uchrashuvlar, yangi filmlar namoyishini o`tkazadi. Ushbu tadbirlardan asosiy maqsad xalqimiz bilan jonli muloqotda bo`lish, ularni madaniy xordiq chiqarishini ta`minlash, kinoijodkorlarimizning yangi ijodiy ishlari bilan tanishtirish. Hududlardagi ijodiy kechalar, bayram dasturlari “Yangi O`zbekistonda el aziz, inson aziz” shioriga hamohang o`tmoqda.” – deya o`z fikrlarini bildirdi O`zbekistonda xizmat ko`rsatgan artist Gulchehra Sa`dullaeva.
Eslatib o`tamiz, Namangandagi “Kinokarvon” tadbirlari 29 oktyabrga qadar davom etadi.
