Andijon viloyati Ulug`nor tumanida baliqxona niqobi ostida fohishaxona tashkil etganlar qo`lga olindi.
Bu haqda "Vaziyat 24" ko`rsatuvida ma`lum qilindi.
Qayd etilishicha, viloyat Ichki ishlar boshqarmasi odam savdosi va noqonuniy migrasiyaga qarshi kurashish bo`limi hamda Ulug`nor tumani ichki ishlar bo`limi xodimlari tomonidan o`tkazilgan tezkor tadbir o`tkazilgan.
Tadbir davomida tumandagi umumiy ovqatlanish shoxobchasi niqobi ostida qo`shmachilik faoliyati bilan shug`illanib kelayotganlar aniqlangan.
Tuman hududidagi baliqxonada ish yurituvchi bo`lib ishlab kelayotgan 44 yoshli ayol 19 yoshli ayolning 200 ming so`m evaziga fohishalik bilan shug`ullanishiga sharoit yaratib bergan vaqtida reyd tadbiri ishtirokchilari ashyoviy dalillar bilan qo`lga olgan.
Shuningdek, mazkur holat yuzasidan tuman ichki ishlar bo`limi huzuridagi tergov bo`limi tomonidan Jinoyat kodeksining 131-moddasi (qo`shmachilik qilish yoki fohishaxona saqlash) 1-qismi bilan jinoyat ishi qo`zg`atilib, tergov harakatlari olib borilayotgani ma`lum qilingan.
