Germaniya Federal Sog`liqni saqlash vazirligi tegishli takliflarni ishlab chiqdi, ammo ular hali ham muhokama qilinmoqda.
Germaniyada sog`liqni saqlash uchun mas`ul bo`lganlarning barchasi rozi bo`lgan yagona narsa - bu uzoq masofali poezdlar va samolyotlarda, shuningdek, klinikalar va shifoxonalarda majburiy niqob taqishdir. Ammo bu safar nemislar, aftidan, maktablar, do`konlar va korxonalarni yopishmaydi. Biroq vaziyat keskinlashsa yanada qattiqroq choralar ko`rishi mumkin.
Kofe iste`molining koronavirus bilan kasallanish ehtimoliga ta`siri bo`yicha yangi tadqiqotning paydo bo`lishi mamlakatda darhol e`tiborni tortganligi ajablanarli emas. To`g`ri, bu tadqiqotning eksperimental bosqichi bo`lib, uni Bremen xususiy Jeykobs Uni Bremen universiteti olimlari olib boradilar. Topilmalar shuni ko`rsatadiki, qahva ichimligidagi ba`zi birikmalar virusning tana hujayralariga kirishiga to`sqinlik qilishi mumkin. Boshqacha qilib aytganda, ertalab bir chashka qahva koronavirus infeksiyasining oldini oladi.
Tadqiqotlar shuni ko`rsatdiki, qahva tarkibidagi xinik kislota kabi modda koronavirusga xos bo`lgan tuzilmalarni qo`shimchalar ko`rinishida inson hujayralariga kirib borishini oldini oladi. Ertalab 200 ml hajmdagi filtrlangan qahva ichish kifoya, chunki uning tarkibidagi 100 mg xinik kislota mo``jiza ko`rsatib, koronavirus infeksiyasini oldini oladi.
Ushbu tadqiqotlar Qirollik Kimyo Jamiyatida nashr etilgan. Jurnalistlarni chalkashtirib yuborgan narsa, qahva ishlab chiqaradigan Jacobs konserni Bremendagi ushbu xususiy universitetni moliyalashtirishda shunchaki ishtirok etayotgani edi. Shu sababli, jurnalistlar tadqiqot natijalariga izoh berish iltimosi bilan nemis virusologi Fridemann Veberga murojaat qilishdi.
Veberning fikricha, ertalab bir chashka qahvaning koronavirus infeksiyasining oldini olish qobiliyati haqida yakuniy xulosa chiqarishga hali erta. Bular hali ham laboratoriya va sof biokimyoviy tadqiqotlardir. Haqiqiy viruslar va tirik organizmlar, masalan, eksperimental hayvonlar ustida tadqiqotlar o`tkazilmagan. Tadqiqot faqat dastlabki bosqichda, deydi Veber.
"Axir, biz qahvaning kimyoviy moddalari inson tanasining turli qismlariga va ayniqsa, unga virus kiritilgan joylarga qanday etib borishini bilmaymiz. Va virusning infiltrasiyasiga to`sqinlik qiladigan moddaning ta`siri qancha davom etishi ham hali aniq emas", deydi u.
Veberning so`zlariga ko`ra, kofe ichuvchilar va ichmaydiganlar orasida koronavirus bilan kasallanish chastotasini aniqlash uchun ko`proq sosiologik va epidemiologik tadqiqotlar o`tkazish kerak. Virusolog qahva organizmni infeksiyalardan va hatto metabolizm bilan bog`liq kasalliklardan himoya qilish qobiliyatiga ega ekanligini tan oldi. Xususan, kofe ichuvchilarning 2-toifa diabetga chalinish ehtimoli kamroq ekanligi isbotlangan.
