Iqtisodiy o`sish sur`atlarining pasayishi va inflyasiyaning tezlashishi fonida Buyuk Britaniya moliya vaziri Djeremi Xant soliqlarni keng ko`lamda oshirish va davlat xarajatlarini qisqartirish rejasini taqdim etdi. Bu haqda "Zamon.uz" yozmoqda.
"Umuman olganda, joriy yilda iqtisodiy o`sish 4,2 foiz darajasida prognoz qilinmoqda. Shunda yalpi ichki mahsulot 2023 yilda 1,4 foizga qisqaradi, keyingi uch yilda esa 1,3, 2,6 va 2,7 foizga o`sadi", — dedi Djeremi Xant parlamentda inqirozdan chiqish rejasini taqdim etganda.
Buyuk Britaniya Vazirlar Mahkamasi hisob-kitoblariga ko`ra, mamlakatda joriy yilda inflyasiya 9,1 foizni tashkil etadi va 2023 yilda 7,4 foizgacha pasayadi. Narxlarning oshishiga asosiy omillar energiya tariflarining oshishi va oziq-ovqat mahsulotlari narxining oshishi bo`ldi.
Taqdim etilgan chora-tadbirlar, boshqa narsalar qatori, daromad solig`i bo`yicha eng yuqori 45% stavka uchun yillik ish haqi chegarasini hozirgi 150,000 dan 125,000 funt sterlingga tushirishni o`z ichiga oladi.
Yana bir yangilik 2025 yilning aprelidan elektromobil egalariga transport solig`i joriy etiladi. Ilgari bu turdagi to`lovni faqat ichki yonuv dvigatelli avtomobil egalari to`lardi.
Energetika korxonalaridan olinadigan foyda yig`imi 2028 yilning 1 yanvaridan martigacha amaldagi 25 foizdan 35 foizgacha oshiriladi, elektr energiyasi ishlab chiqaruvchilarga esa 45 foizlik yangi vaqtinchalik soliq joriy etiladi.
Buyuk Britaniya g`aznachiligi soliqlarning oshishi 2027-2028 yillarga qadar davlat g`aznasini qo`shimcha 25 milliard funt sterling bilan to`ldirishini hisoblab chiqdi.
