O`zbekistonlik taniqli rejissyor Ali Hamraevning “Samarqandda qovun tarovati” filmi Milan shahrida bo`lib o`tgan V FELIX xalqaro kinofestivalida g`olib bo`ldi. Bu haqda Kinematografiya agentligi Axborot xizmati xabar qildi.
2021 yilda suratga olingan “Samarqandda qovun tarovati” filmi rejissyorning o`zi aytganidek, oddiy odamlar haqida va oddiy odamlar uchun yaratilgan.
FELIX - Milandagi eng nufuzli kinoteatr - “Cinema Anteo”da har yili o`tkaziladigan kinofestival. Bu yili ushbu festival beshinchi marotaba o`tkazilmoqda. Har bir film ishtirokchisi uchun asosiy shart - yorqin insonparvarlik tamoyilini filmda aks ettira olishdir.
