Toshkentda 100 nafar odamni aldab, 55 nafarini xorijga yuborgan jinoiy guruhga sud hukmi o`qildi (video)

Jamiyat 30.11.2022, 21:19
Teglar: Video, Sud, Odam savdosi
Toshkentda 100 nafar odamni aldab, 55 nafarini xorijga yuborgan jinoiy guruhga sud hukmi o`qildi (video)

Jinoyat ishlari bo`yicha Mirzo Ulug`bek tuman sudida 100 nafar jabrlanuvchini ishonchiga kirib, qariyb 550 million so`mni talon taroj qilgan 3 nafar sudlanuvchiga oid jinoyat ishi ko`rib chiqildi, deya xabar bermoqda "Darakchi.uz" muxbiri. 

Ma`lum qilinishicha ular chet elda ishlash istagida bo`lgan shaxslarni, nufuzli xorijiy mamlakatlarda ishga joylashtirishlarini aytishgan. Jabrlanuvchilar soni 100 nafar. Sudlanuvchilar qariiyb 550  million so`mni tashkil qiluvchi pul mablag`larini firibgarlik yo`li bilan o`zlashtirib, bergan va`dasini bajarmasdan pul mablag`larini talon toroj qilgan.  

Jinoyat ishi bo`yicha sudlanuvchilar e`lon qilingan ayblovga iqrorlik bildirishmadi. Sudlanuvchilar e`lon qilingan ayblovga iqrorlik bildirmagan holatda ko`rsatma bergan bo`lsalarda, ularning qayd etilgan jinoyatlarni sodir etganligi jinoyat ishida to`plangan dalillar bilan to`liq isbotlangan.

Sudda jabrlanganlar bo`yicha ayrim ma`lumotlar keltirib o`tildi. 

Jumladan, Toshkent viloyati bo`yicha:

Ayol jabrlanuvchiga uni nufuzli xorijiy mamlakat hisoblangan Saudiya Arabistoni Podshohligida qulay sharoitlarga ega bo`lgan va serdaromad ish joyi bilan ta`minlashini ma`lum qiladi. Unga “Xaj” va “Umra” ibodatlarini ado etish imkoniyatlari borligini aytgan holda qiziqtiradi. 16.06.2021 yilda ayolni Ar-Riyod shahriga yuborgan va uni Saudiya Arabistoni Podshohligida yashovchi tergovda shaxsini aniqlash imkoni bo`lmagan “Ibrohim” ismli shaxs kutib olib, moddiy naf evaziga ishchi qidirayotgan oilalarga sotib yuborgan.

Namangan viloyati bo`yicha:

- Jabrlanuvchi erkakka uni bandlik agentligi MChJ orqali Polsha Respublikasida qulay sharoitlarga ega bo`lgan, serdaromad ish joyi bilan ta`minlashini ma`lum qilib, undan 2021 yil dekabr oyida 1.100 AQSh dollarini qabul qilib, ushbu pul mablag`larni talon toroj qilgan.

- Yana bir jabrlanuvchiga uni bandlik agentligi MChJ orqali Bolgariya Respublikasida qulay sharoitlarga ega bo`lgan, serdaromad ish joyi bilan ta`minlashini ma`lum qilib, undan 2019 yil fevral oyida 13.000.000 so`m  mablag`ini qabul qilib, ushbu pul mablag`larni talon toroj qilgan.

Sud hukmiga ko`ra Xususiy bandlik agentligi MChJ rahbari JKning 135-moddasi 3-qismi "G" bandi, 168-modda 4-qismi "A" bandi bilan aybli deb topoilib, 8 yilu 1 oy muddatga ozodlikdan mahrum etildi. Qolgan ikki nafar sudlanuvchi esa Odam savdosi jinoyatini sodir qilganlikda aybli deb topilib, har biriga 8 yil ozodlikdan mahrum qilish jazosi tayinlandi.

 

Sharhlar

Qoraqalpog`istonda "Nexia-3" va yuk mashinasi ishtirokida dahshatli YTH sodir bo`ldi, 5 odam halok bo`lgan (video)

06.02.2023, 13:36

Qoraqalpog`iston Respublikasi Qo`ng`irot tumanida Nexia-3 va yuk mashinasi ishtirokida oxiri o`lim bilan yakunlangan YTH sodir bo`ldi. Bu haqda Qoraqalpog`iston IIV matbuot xizmati xabar bermoqda.Ma`lum qilinishicha,...
Turkiyada kuchli zilzila sodir bo`ldi, qurbonlar bor (video)

06.02.2023, 09:34

Turkiya janubida 1 milliondan ortiq aholi istiqomat qiladigan Gaziantep shahri yaqinida 7,4 magnitudali zilzila yuz berdi. Evropa-O`rtaer dengizi seysmologiya markazi ma`lumotlariga ko`ra, zilzila episentri aholi...
Tojikistonlik narkokur`erlar tomonidan Namanganda yashirib ketilgan narkotik moddalar musodara qilindi — DXX (video)

04.02.2023, 10:59

DXX tomonidan Farg`ona, Andijon va Samarqand viloyatlarida narkotik moddalar musodara qilindi, deya xabar berdi "darakchi.uz"ga DXX matbuot xizmati. Farg`ona viloyatining Oltiariq tumanida yashovchi, 1993 y.t. fuqaro...
Toshkentda bolalarni o`g`irlab ketilayotgani haqida video tarqaldi. O`quvchilarni nega mashinaga tiqishmoqchi bo`lishgani ochiqlandi (video)

04.02.2023, 10:15

Ijtimoiy tarmoqlarda go`yoki maktab o`quvchilarini o`g`irlashmoqchi bo`lishayotganligi haqida video xabarlar tarqalmoqda.Mazkur video tarqalidan so`ng, bolalarning yaqinlari deb aytilgan audio ham tarqaldi.Holat bo`yicha IIV o`rganish natijalarini...