O`zbekiston Respublikasi Prezidenti Shavkat Mirziyoevning taklifiga binoan Qozog`iston Respublikasi Prezidenti Qasim-Jomart Toqaev joriy yilning 21-22 dekabr kunlari davlat tashrifi bilan mamlakatimizda bo`ladi.
Tashrif dasturiga muvofiq, oliy darajadagi muzokaralarda ikki tomonlama va mintaqaviy ahamiyatga molik dolzarb masalalar muhokama qilinadi.
Sammit kun tartibidan O`zbekiston-Qozog`iston strategik sheriklik va ittifoqchilik munosabatlarini yanada chuqurlashtirish, o`zaro savdo hajmini oshirish, sanoat kooperasiyasi bo`yicha o`zaro manfaatli qo`shma loyihalarni ilgari surish, qishloq xo`jaligi, transport va logistika sohalaridagi hamkorlikni kengaytirish, faol hududlararo va madaniy-gumanitar almashinuvlarni davom ettirish kabi asosiy masalalar o`rin olgan.
Davlat rahbarlari bir qator yirik investisiya loyihalarini boshlab berishi rejalashtirilmoqda.
Uchrashuvlar yakunida amaliy hamkorlikning ustuvor yo`nalishlari bo`yicha ikki tomonlama bitimlarning salmoqli to`plamini qabul qilish ko`zda tutilgan.
