Jahon sog`liqni saqlash tashkiloti (JSST) barcha davlatlarni Hindistonda ishlab chiqarilgan tarkibida dietilenglikol va etilenglikol mavjud yo`talga siroplar xavfidan oktyabr oyida rasman ogohlantirgan.
Qayd etilishicha, Gambiya va Indoneziyada yo`talga qarshi mazkur sipovlar bolalarning ommaviy o`limiga sabab bo`lgan (200 dan ortiq). Indoneziya 2022 yil 21 oktyabrdan bu turdagi barcha siroplar savdosini taqiqlagan.
JSST laboratoriya tahlillarida keltirilishicha, Gambiyadagi yo`talga qarshi sirop namunalaridan «ruxsat etilmagan miqdorda» etilenglikol va dietilenglikol aniqlangan.
Avvalroq Hindistonning Marion Biotech Pvt. Ltd kompaniyasiga tegishli «Dok-1 Maks» tabletka va sirop dori vositasini ichgan 18 nafar bola vafot etgani to`g`risida xabar berilgandi.
