Yaqinda bir xonali kvartira sotib olgandik. Ta`mirlash vaqtida ayvon hisobiga mehmonxonani kengaytirib, ayvonni g`isht bilan bekitdik. Bunday holatda isitish tizimi uchun to`lovning narxi oshadimi? Eshitishimcha, bunday o`zgarishdan keyin uy kadastrini ham boshqatdan olishim kerak ekan. Sizdan hujjatlarni rasmiylashtirish tartibini tushuntirishingizni iltimos qilaman.
Dilafro`z Mo`minova, Toshkent shahri
A.ShOEV, Toshkent shahar Davlat ko`chmas mulk va er tuzish korxonasi boshlig`i:
— Ruxsatsiz uy xonalarini o`zgartirish, rekonstruksiya qilish, qayta qurish o`zboshimchalik deb hisoblanadi. Davlat ko`chmas mulk va er tuzish korxonasi xodimlari bunday faktlarni aniqlasa, uyning sotilishi, hadya qilinishi taqiqlanadi va bu ishni amalga oshirgan odamga nisbatan chora ko`rish uchun hujjatlar tegishli tashkilotga yuboriladi. O`zboshimchalik bilan uyga o`zgartirish kiritgan shaxs O`zbekiston Respublikasi MJtKning 160-moddasiga asosan ma`muriy javobgarlikka tortiladi.
Toshkent shahar hokimining 2010 yil 31 martdagi №172-qaroriga asosan ko`p qavatli uyda yashovchi shaxs xona tuzilishini o`zgartiradigan bo`lsa, Toshkent shahar hokimiyatiga qarashli tadbirkorlar sub`ektini ro`yxatga olish inspeksiyasiga ariza bilan murojaat qilib, ruxsat olishlari lozim.
Arizaga quyidagi hujjatlar ilova qilinadi:
• uyga, kvartiraga egalik huquqini tasdiqlovchi (kadastr) hujjatlari;
• lisenziyalangan loyiha tashkilotining texnik xulosasi;
• loyiha;
• XUJMShning roziligi.
“Darakchi” gazetasining 38-sonida “Byudjetda o`qiganlar necha yil ishlab berishi kerak?”, “Navoiyda ham binolar qurilayaptimi?”, “Ko`chmas mulkka ta`qiq bormi?” kabi savollarga ham javob olishingiz mumkin.