Turkiyadagi silkinishlar quruqlikdagi eng vayronkor 10 ta zilzila qatoriga kiradi

Kanadaning Britaniya Kolumbiyasi provinsiyasidagi Viktoriya universiteti seysmologiya professori Edvin Nissen shunday fikr bildirdi.

Olimning aytishicha, Turkiyadagi zilzilalar “quruqlikda qayd etilgan eng kuchli besh yoki o`nta silkinishdan biri”dir. Ofat ko`lami va Turkiyaning aholi zich joylashgan qismida yuz bergani uchun vayronkor tus olgan.

Uning ta`kidlashicha, eng kuchli zilzilalar odatda okeanlarda sodir bo`ladi.

Turkiyada zilzila qurbonlari soni 31 643 nafarga, jabrlanganlar soni 158 168 nafarga etdi.