Har yili 20 mart kuni nishonlanadigan Xalqaro baxt kuni munosabati bilan Birlashgan Millatlar Tashkiloti dunyodagi eng baxtli mamlakatlar nomini e`lon qildi. World Happiness Report reytingda ketma-ket oltinchi marta birinchi o`rinni Finlyandiya egalladi, ikkinchi o`rinda Daniya va kuchli uchlikni Islandiya yakunlab berdi.
Isroil to`qqizinchi o`rindan bu yil to`rtinchi o`ringa ko`tarildi. Yuqori o`ntalikka Niderlandiya, Shvesiya, Norvegiya, Shveysariya, Lyuksemburg va Yangi Zelandiya ham kirdi.
O`zbekiston 137 davlat orasida baxtiyorlik bo`yicha global reytingda 54-o`rinda qayd etildi.
Rossiya o`tgan yilga nisbatan o`n pog`onaga ko`tarilib, 70-o`rinni egalladi. AQSh 15-o`rinda, Fransiya 21-o`rinda, Buyuk Britaniya 19-o`rinda, Ukraina 92-o`rinda.
Eng baxtsiz mamlakatlar sifatida Burkina-Faso, Namibiya, Turkiya, Gana, Pokiston va Niger qayd etildi.
Birlashgan Millatlar Tashkiloti 2012 yildan beri har yili Jahonning baxtiyorlik darajasi hisobotini e`lon qiladi. Reytingni shakllantirishda aholi jon boshiga Yalpi ichki mahsulot ko`rsatkichlari, mamlakatda o`rtacha umr ko`rish davomiyligi, fuqarolarni ijtimoiy qo`llab-quvvatlash va ularning fuqarolik erkinliklariga rioya etilishi to`g`risidagi ma`lumotlar, shuningdek, mamlakatdagi korrupsiya darajasi hisobga olinadi.
