"Hududgaz Poytaxt" tomonidan Sergeli va Yangihayot tumanlarida bir kunga gaz ta`minoti o`chirildi. Shu munosabat bilan ko`rsatib o`tilgan hududlarning ayrim joylarida issiq suv ta`minoti bo`lmaydi.
"Veolia Energy Tashkent" MChJ XK uchun issiqlik energiyasi etkazib beruvchi 8-IM issiqlik markazida vaqtincha gaz ta`minoti o`chirilgan.
O`chirishlar "Hududgaz Poytaxt" gaz quvurlarida olib borilayotgan rejali ishlar bilan bog`liq.
Qayd etilishicha quyidagi manzillarda issiq suv ta`minotini uzatish vaqtincha to`xtatilgan:
Yangi Sergeli, Mexrigiyo, Qipchoq, Sug`diyona chinor, Davlatobod, Do`stlik, Mirzo Tursunzoda, Jaxonaro, Qo`rg`ontepa, Sergeli 1-8a, Yo`ldosh 1-18a, Do`stlik 1, 2.
Aytilishicha, gaz ta`minoti tiklanishi bilan issiq suv uzatish darhol tiklanadi. "Hududgaz Poytaxt" ma`lumotiga ko`ra, ushbu holat 5 aprel soat 8.00ga qadar kuzatiladi.
