Prezident Vladimir Zelenskiy 5 aprel kuni rasmiy tashrif bilan Polshaga boradi. Bu haqda Polsha prezidenti idorasi xabar berdi.
“5-aprel, chorshanba kuni biz Ukraina prezidenti Vladimir Zelenskiyning Polshaga rasmiy tashrifini kutmoqdamiz. Chorshanba kuni tushdan keyin Ukraina prezidenti Qirollik qasrida mamlakatimizda yashovchi polyaklar va ukrainaliklar bilan uchrashadi”, — dedi Polsha prezidentining xalqaro aloqalar bo`yicha idorasi rahbari Markin Pjidach.
Rossiyaning keng miqyosli bosqinining boshidan beri Zelenskiy xorijga ikki marta ish safari qildi. 2022 yil 21-22 dekabr kunlari u Vashingtonga tashrif buyurdi va u erda prezident Jo Bayden bilan uchrashdi va Kongressda nutq so`zladi.
8 fevral kuni esa Zelenskiy Evropaga safarini boshladi. U Buyuk Britaniya, Fransiya va Belgiyaga tashrif buyurdi. Ikkala safari davomida Zelenskiy dastlab Polshaga poezdda bordi. AQSh va Evropadan qaytgan Ukraina prezidenti polshalik hamkasbi Anjey Duda bilan uchrashdi.
