17 apreldan “Ochiq byudjet” portalida “Mening yo`lim” loyihasiga taklif qoldirish boshlandi. Iqtisodiyot va moliya vazirligi matbuot xizmati xabar qildi.
Ma`lum qilinishicha, “Mening yo`lim” loyihasining joriy yilgi mavsumi uchun 312 mlrd so`mdan ortiq mablag`lar ajratilishi belgilangan.
Loyiha doirasida taklif kiritish jarayoni joriy yilning 27 aprel sanasiga qadar davom etadi. Kiritilgan takliflar uchun ovoz berish jarayonlari 28 apreldan 7 may kuniga qadar o`tkaziladi.
Loyihada taklif qoldirish uchun:
- Ochiq byudjet portaliga kiring;
- O`ng tomondagi “Kirish” tugmasini bosgan holda shaxsiy kabinetingizga kiring;
- “Qo`shish” tugmasini bosib, “Mening yo`lim” bo`limini tanlang;
- Taklif qoldirmoqchi bo`lgan viloyatingiz, tuman/shahar, MFY va ko`chani tanlang;
- Bunda siz taklif kiritilayotgan yo`lning fotosuratini ham yuklashingiz mumkin;
- “Qo`shish” tugmasini bosing.
“Mening yo`lim” loyihasi tuman (shahar) byudjetlarida hududiy ichki yo`llarni ta`mirlash uchun rejalashtirilgan mablag`larning kamida 50 foiz qismini fuqarolar fikri asosida yo`naltirilishini ta`minlash maqsadida tashkil etilgan.
