Ikkinchi jahon urushida O`zbekiston xalqining hissasi qanchalik qo`shilgan?
1941 yil arafasida O`zbekiston aholisi 6,8 million kishidan ortiq edi. Urush boshlanganidan beri 2 millionga yaqin vatandoshimiz frontga ketgan, shundan 500 mingdan ortig`i jang maydonlarida halok bo`lgan.
200 mingdan ortiq askar va ofiser harbiy orden va medallar bilan taqdirlandi. 301 nafar vatandoshimiz Sovet Ittifoqi Qahramoni unvoni, 70 nafardan ortig`i uchinchi darajali “Shon-sharaf” ordeni bilan taqdirlangan.
Shuningdek, O`zbekiston 1,5 milliondan ortiq keksalar, ayollar va bolalarga boshpana bergan. Ularning 200 mingdan ortig`i etim bolalardir. Evakuasiya qilingan bolalar nafaqat mehribonlik uylariga tarqatildi, balki o`zbek oilalari tomonidan ham qabul qilingan. Masalan, respublika rahbari Usmon Yusupov o`z oilasiga uch nafar farzandni asrab olgan.
O`n va undan ortiq bolani qabul qilib olgan oilalar ham bo`lgan. Shoahmad Shomahmudovlar oilasi 15 nafar bolani asrab olgan.
Butun Ittifoqdan kelgan qochqinlarga boshpana bergan o`ziga xos evakuasiya markaziga aylangan Toshkent aynan o`sha yillardan “Non shahri”, “Xalqlar do`stligi shahri” deb atala boshladi.
