O`zbekistonning Sankt-Peterburgdagi diplomatik vakolatxonasiga o`zbekistonlik migrant kelib, xotinini o`ldirganini aytdi. Bu haqda zamon.uz xabar bermoqda.
Qayd etilishicha, 2023 yilning 11 may kuni soat 10:00 larda Sankt-Peterburg shahrining Krasnoarmeyskaya ko`chasida joylashgan konsullik nazorat-o`tkazish punktiga bir yigit kelgan. U xotinini o`ldirgani va uning jasadi Murinodagi ijaraga olingan kvartirada turganini aytgan.
Polisiya Sankt-Peterburgda noqonuniy yashayotgan 22 yoshli O`zbekiston fuqarosini konsullikda qo`lga olgan. Jinoyat qidiruv bo`limi xodimlari Murino shahridagi xonadonga etib kelib, u erda 19 yoshli O`zbekiston fuqarosining jasadini aniqlagan. Taxminlarga ko`ra, u bo`g`ib o`ldirilgan.
Mazkur holat yuzasidan Rossiya Federasiyasi Jinoyat kodeksining 105-moddasi 1-qismi (qotillik) bilan jinoyat ishi qo`zg`atilgan.
