Joriy yil mart oyida "Yashil Energiya" MChJ ijtimoiy soha ob`ektlari va davlat idoralarida quyosh panellarini o`rnatish uchun qariyb 2 trln so`mlik tanlov o`tkazgan.
Unga ko`ra:
Loyihaning umumiy quvvati 219,4 MVt bo`lib quyidagi 6 ta lotga bo`lingan:
—Qoraqalpog`iston Respublikasi, Xorazm viloyati va Toshkent shahrining Olmazor tumani – 36,1 MVt;
—Andijon, Namangan va Farg`ona viloyatlari – 33,8 MVt;
—Qashqadaryo va Surxondaryo viloyatlari, shuningdek Toshkent shahrining Mirzo Ulug`bek tumani – 41,55 MVt;
—Samarqand, Navoiy va Buxoro viloyatlari – 33,3 MVt;
—Toshkent, Sirdaryo va Jizzax viloyatlari, shuningdek Toshkent shahrining Chilonzor tumani – 34,1 MVt;
—Toshkent shahri (Chilonzor, Mirzo Ulug`bek va Olmazor tumanlaridan tashqari) – 40,55 MVt.
quyosh elektr stansiyalarini o`rnatish uchun o`tkazilgan mazkur tanlov natijalari bekor qilingan. Bu haqda Energetika vazirligi Axborot xizmatining ma`lum qildi.
Ushbu tanlovda qayta tiklanuvchi energiya manbalari qurilmalarini o`rnatish bo`yicha 18 ta kompaniya ishtirok etgan va mazkur loyiha aholi va davlat manfaatlarini to`liq himoya qilishini inobatga olgan holda amalga oshirilishi ko`zda tutilgan.
Qayd etilishicha, tanlov natijalari bo`yicha yutgan kompaniyalar bilan tuzilgan shartnomalar mazkur kompaniyalar tomonidan shartnoma shartlari bajarilmaganligi sababli bekor qilingan.
Hozirgi kunda ajratilgan mablag`larni inobatga olib, umumiy quvvati 2,5 MVtga teng bo`lgan quyosh fotoelektr stansiyalarini qurish bo`yicha yangi tanlov e`lon qilingan.
Keyingi bosqichda ushbu yo`nalishdagi loyihalarning asosiy qismini moliyalashtirish xalqaro moliya institutlari mablag`lari hisobidan amalga oshirilishi ko`zda tutilgan bo`lib, hozirda bu yo`nalishda muzokaralar olib borilmoqda. Bu esa loyihalarning narxini pasaytirish va ularning sifatli amalga oshirilishida muhim ahamiyatga ega,- deyiladi xabarda
