Ijtimoiy tarmoqlarda Rossiya Federasiyasiga Markaziy Osiyodan borgan bir guruh mehnat migrantlari polisiya tomonidan kaltaklanib hibsga olinayotgani haqida xabarlar tarqaldi.
Tashqi mehnat migrasiyasi agentligi hodisa yuzasidan rasmiy bayonot berdi.
Dastlabki o`rganishlardan ma`lum bo`lishicha, 2023 yil 19 may kuni Sankt-Peterburg shahrida joylashgan "Gazprom" kompaniyasiga qarashli "Laxta Sentr" biznes markazi qurilish maydoni atrofida norasmiy tartibsiz oziq-ovqat bozorini tashkil qilingan va u joydan ovqat sotib olgan bir necha kishi polisiya tomonidan hibsga olingan.
Videotasvirlarda qarshilik ko`rsatgani uchun kuch ishlatilib hibsga olingan kishi O`zbekiston fuqarosi emas va ushbu holatda boshqa fuqarolarga nisbatan kuch ishlatilmagan, deyiladi xabarda
