Bugun, 25 may kuni soat 02:30 da Toshkent shahar Bektemir tumani «Mirishkor» MFY Chirchiq bo`yi ko`chasida joylashgan tadbirkorlik sub`ektida yong`in yuzga keldi. Bu haqda FVV Matbuot xizmati xabar qildi.
Qayd etilishicha, yong`in chiqindi moy mahsulotini qayta ishlash vaqtida sig`imni yorilib ketishi natijasida yuzaga kelgan.
Yong`inni bartaraf etish uchun 8 ta yong`in-qutqaruv ekipaji soat 02:32 da voqea joyiga etib borib, yong`in soat 03:09 da o`rab olingan va soat 03:16 da o`chirilgan.
Yong`in natijasida 150 kv.m maydonda chiqindi moy mahsulotlari yonib ketgan.
«Hodisa oqibatida tan jarohati olgan va halok bo`lgan yo`q», – deyiladi FFV bergan xabarda.
