Toshkentning Chilonzor tumani, "Naqqoshlik" MFY, Naqqoshlik ko`chasida joylashgan uyda avariya holat yuzaga keldi.
Mazkur manzildagi ko`p qavatli uyda yoriqlar paydo bo`layotganligi tuman hokimi S.Xolxo`jaev boshchiligidagi mas`ullar va FVVning Toshkent shahar va tuman bo`limi mutaxassislari tomonidan o`rganilib, holat insonlar salomatligi va hayoti xavfsizligiga ta`sir qilishining oldini olish maqsadida fuqarolarni boshqa manzillarga ko`chirishga qaror qilingan, deyiladi hokimlik xabarida.
Hozirda ushbu xonadonlarda yashovchi 104 nafar fuqarodan 41 nafari ya`ni 15 ta oila boshqa manzillarda istiqomat qiluvchi yaqinlarining xonadonlariga ko`chib o`tmoqda. 17 ta xonadonda yashovchi 63 nafar fuqaro esa vaqtincha turar joy bilan ta`minlandi.
Ayni paytda mutasaddilar tomonidan ushbu uy aholisini turar joy bilan ta`minlash masalasi ko`rib chiqilmoqda.