Farg`ona viloyati IIB Tezkor-qidiruv xizmati tomonidan er resurslarini talon-taroj qilish bilan bog`liq holat aniqlandi.
Bu haqda IIV Axborot xizmati xabar bermoqda.
1997 yilda Farg`ona viloyatida tug`ilgan fuqaro viloyat IIB boshlig`i nomiga yozgan arizasiga ko`ra, jinoyat qidiruv boshqarmasi, korrupsiya va iqtisodiy jinoyatlarga kurashish bo`limi xodimlari tomonidan tezkor tadbir o`tkazildi.
1985 yilda Qirg`izistonda tug`ilgan Rossiya Federasiyasi fuqarosi Quvasoy shahar Qo`chqor qishlog`i hududida joylashgan bog`dorchilik fermer xo`jaligiga uzoq muddatga ijaraga berilgan 14 gektar er maydonini hech qanday hujjatlarsiz 140 ming AQSh dollariga sotishga kelishgan.
Gumonlanuvchi oldindan bo`nak sifatida talab qilingan 15 ming AQSh dollari miqdoridagi pullarni olgan vaqtda ashyoviy dalillar bilan ushlangan.
Mazkur holat yuzasidan tergovga qadar tekshiruv harakatlari olib borilmoqda.
