Belgilangan ekologik me`yorlarga javob bermaydigan transport vositalarining Toshkentda harakatlanishi cheklanadi. Bu haqda Prezidentning joriy yil 2 iyun kuni imzolangan PQ-171-sonli qarorida belgilab qo`yildi.
Mazkur hujjatga ko`ra, poytaxtning 4 ta kirish yo`l patrul maskanlarida doimiy ekologik postlar tashkil etiladi.
Ya`ni, tun-u kun ishlaydigan postlar:
- Uchqahramon;
- Erkin;
- Sharq;
- Bektemir.
Shuningdek, Toshkentda "N-2" (yuk tashish quvvati – 3,5-12,0 tonna) va "N-3" (yuk tashish quvvati 12,0 tonna) toifasiga kiruvchi transport vositalarining harakati tartibga solinadi. Bunda o`rnatilgan standartlarga javob bermaydigan transport vositalarini kichik avtomobil halqa yo`li orqali harakatlanishi ta`minlanadi.
