Xitoy tajribasini o`rganish va hamkorlik aloqalarini yangi bosqichga olib chiqish maqsadida Toshkent viloyati hamda Shinjon-Uyg`ur avtonom rayoni o`rtasidagi hamkorlik yo`lga qo`yildi. Bu haqda viloyat hokimligi Axborot xizmati xabar berdi.
Ma`lum qilinishicha, Toshkent viloyatining Urumchi shahrida ochilishi ko`zda tutilgan vakolatxonasi faoliyati muvofiqlashtiriladi. Shu bilan birga, tomonlar o`rtasida Shinjon-Uyg`ur avtonom rayoni bilan yuqori texnologiyalar, innovasiyalar, sanoat, energetika, infratuzilmani rivojlantirish, transport, logistika, qishloq xo`jaligi, turizm va boshqa yo`nalishlarda amaliy hamkorlik kengaytiriladi.
