Хитой тажрибасини ўрганиш ва ҳамкорлик алоқаларини янги босқичга олиб чиқиш мақсадида Тошкент вилояти ҳамда Шинжон-Уйғур автоном раёни ўртасидаги ҳамкорлик йўлга қўйилди. Бу ҳақда вилоят ҳокимлиги Ахборот хизмати хабар берди.
Маълум қилинишича, Тошкент вилоятининг Урумчи шаҳрида очилиши кўзда тутилган ваколатхонаси фаолияти мувофиқлаштирилади. Шу билан бирга, томонлар ўртасида Шинжон-Уйғур автоном раёни билан юқори технологиялар, инновасиялар, саноат, энергетика, инфратузилмани ривожлантириш, транспорт, логистика, қишлоқ хўжалиги, туризм ва бошқа йўналишларда амалий ҳамкорлик кенгайтирилади.
