Ijtimoiy tarmoqlarda Toshkent shahar Mirzo Ulug`bek tumani 171-umumta`lim maktabi hududidagi daraxtlar kesilganligi haqida xabar tarqaldi. Toshkent shahar hokimligi holat yuzasidan ma`lumot berdi.
Ma`lum qilinishicha, Mirzo Ulug`bek tumanidagi Maktabgacha va maktab ta`limi vazirligi tasarrufidagi MAFIFIDUM (sobiq 171- umumta`lim maktabi) hududida 26 tup Gledichiya navli manzarali daraxtlar fuqaro Strashko Anatoliy Sergeevich tomonidan kesilgan.
Videokuzatuv kamerasining ko`rsatishicha, fuqaro bu ishni maktabni o`rab turuvchi panjaraga tutash bo`lgan garajlardan oshib tushib, amalga oshirgan.
Ushbu holat Toshkent shahar va Mirzo Ulug`bek tumani hokimligi hamda Ekologiya, atrof-muhitni muhofaza qilish va iqlim o`zgarishi boshqarmasi va uning tuman bo`limi hamda tuman prokuraturasi tomonidan o`rganildi.
Hozirda mutaxassislar tomonidan etkazilgan zarar o`rganilmoqda.
