Ko`z qizarganda 10 chora

Nega ko`zingiz qizaradi? Qachon: ertalabmi yoki ish jarayonidan keyinmi? Savollarni o`ylab ko`ring. Ko`zdagi qizillik ko`z kasalliklari, shamollash, allergiya bilan bog`liq bo`lishi mumkin.
Ko`z shilliq qavati quruqlashib qolsa ham, qizillik yuzaga keladi. Ko`zda qichishish kuzatilsa, bezovtaliklardan darak bo`ladi. Shuningdek, kondisioner, tamaki tutuni, havo namligining me`yorda emasligi kabilar ham ko`z qizarishini keltirib chiqaradi.
Bezovtaliklarni bartaraf etishda ko`z tomchilaridan kamroq foydalaning. Iloji bo`lsa, faqat shifokor buyurganlarinigina tanlang. Chunki muntazam tomchilardan foydalanish aks ta`sir ko`rsatib, turli muammolarga sabab bo`ladi.
Ko`z qovoqlarini pardoz vositalaridan tozalab olgach, issiq-sovuq vanna qiling. Buning uchun paxta bo`lagini avval qaynatib ilitilgan suvda namlab, ko`z ustiga bosib turing. 2 daqiqadan so`ng sovuq suvda namlangan paxta bilan alishtiring.
Uyquga yotishdan oldin ko`z ustiga ko`k choy damlamasidan kompress qiling. 2-3 daqiqalik kompres ko`z tomirlariga ijobiy ta`sir etadi.
1 osh qoshiq ittikanak (chereda) ni 1 st. qaynab turgan suvga damlang. Iligach, dokadan o`tkazing. So`ng ko`z ustiga kompress sifatida foydalanishingiz mumkin. Bu usul ayniqsa allergik holatlarda asqotadi.
Paraklangan barra bodring ham ko`zlar uchun foydali. Ko`z terisini oziqlantirib, namlantiradi. Qolaversa, kunning istalgan vaqti bajarish mumkinligi bilan ham qulay.
Kun davomida ko`proq suyuqlik iching. Ammo gazlangan bo`lmasin. Na`matak, ko`k choy, meva sharbatlari ayni muddao.
Ko`z toliqishi yuzaga kelmasligi uchun ish vaqti kichik tanaffus qilishga odatlaning. Bunda ko`z uchun turli mashqlarni bajarish mumkin. Masalan, nigohni keskin boshqa narsa yoki holatga qaratish.
Ko`cha-kuyda quyoshdan himoyalovchi ko`zoynaklardan foydalaning. Bu nafaqat ko`zlar balki ko`z atrofidagi teri uchun ham asqatadi.

Sharhlar

O`qishga tavsiya qilamiz

Semirish saraton rivojlanish xavfini oshiradi

18.04.2024, 12:31

Batafsil

Stress saraton kasalligini keltirib chiqarishi mumkin

17.04.2024, 13:19

Batafsil

Nega bahor oftobidan saqlanish tavsiya qilinadi?

14.04.2024, 14:51

Batafsil

Buyrak xastaliklari kimlarda ko`proq uchraydi? Shifokor javob berdi

06.08.2021, 17:47

CCV Matbuot xizmati buyrak etishmovchiligi qanday xastalik ekani va uni bartaraf etishda mamlakatimiz tibbiyoti nimalarga qodirligi haqida Respublika shoshilinch tibbiy yordam ilmiy markazi bo`lim rahbari,...

YuTINGANDA QULOQ OG`RIG`I?!

26.12.2017, 13:12

— Uch yashar o`g`lim ovqat chaynab yutayotganida qulog`ini ushlab, og`riyotganini aytdi. Shifokorga ko`rsatsam, otit deb tashxis qo`ydi. Bu qanday kasallik? Uni uyda davolasa bo`ladimi? Nazira...

DIATEZ QAYTALAMASIN DESANGIZ…

26.12.2017, 13:08

— Emizikli chaqalog`im ekssudativ diatez kasalligi bilan og`rigandi. Hozir sog`aygan bo`lsa-da, ayrim taomlarni iste`mol qilganimda uning badanida qizg`ish dog`lar paydo bo`ladi. Go`dakda diatez qaytalamasligi uchun...

FARZANDINGIZNI MAKTAB KASALLIKLARIDA ASRANG!

26.12.2017, 11:36

Uzoqni ko`ra olmaslik;skolioz (umurtqa pog`onasining qiyshayishi);gastrit;ruhiy-asab tizimi buzilishlari kabilarni maktab kasalliklari sirasiga kiritish mumkin. Statistikaga ko`ra, har besh bolaning biri umurtqa pog`onasi muammolaridan qiynalsa, har...