AQSh olimlari astma kasalligiga chalingan bemorlar immunitet tizimining o`ziga xos xususiyatlarini o`rganib, o`tkir yallig`lanish reaksiyasini to`xtatishning yangi usulini topdi. Bu haqda Sog`liqni saqlash vazirligi Matbuot xizmati xabar qilmoqda.
Endi tadqiqotchilar xastalikning og`ir shaklida qo`llaniladigan ikkita muolaja turini sinovdan o`tkazmoqda.
Mutaxassislar fikricha, hozir astmaning og`ir shaklidan aziyat chekayotgan bemorlarda qo`llanilayotgan standart davo choralari yuqori samaradorlikka ega emas. Shu bois, yangi muolaja usuliga ehtiyoj katta.
Xo`sh, tadqiqot qanday kechdi?
AQShning La-Xoyi Immunologiya instituti olimlari astmada o`tkir yallig`lanish reaksiyasini keltirib chiqaruvchi molekulyar mexanizmlarni o`rganib, ma`lum signallarni bloklash og`ir simptomlarni engillashtirishini aniqladi.
Ma`lumki, inson organizmida allergenlar aniqlanganda, E immunoglobulini (IgE) leykositlarning ma`lum bir turi bilan aloqaga kirishib, ularni gistamin ajraladigan omil — HRF ishlab chiqarishga undaydi.
Shu tariqa gistamin ta`siri allergik reaksiyani yuzaga kelitib, nafas olish jarayonini qiyinlashtiradi.
Tadqiqot davomida IgE va HRF o`rtasidagi aloqa xususiyatlari o`rganilib, astmani davolash uchun yangi “nishon” topildi.
Ayni paytda olimlar ikkita davolash usulini sinab ko`rmoqda. Birinchisi — o`tkir yallig`lanish reaksiyasini bartaraf etishga qaratilgan HRF-2CA molekulasi. Ikkinchi usul SPF7-1 s IgE vmesto HRF o`rniga SPF7-1 antitanasining IgE bilan bog`lanishiga asoslangan.
Tez orada klinik sinovlar o`tkazilib, ularning natijalari e`lon qilinishi kutilmoqda.
