Navoiy, Buxoro va Samarqandda kuzatilgan chang-to`zonli ob-havo haqida FVV ma`lumot taqdim etdi

Gidrometeorologiya xizmati agentligi tomonidan O`zbekiston Respublikasining ayrim hududlarida shamolning kuchayishi hamda chang-to`zon bilan kuzatilishi haqida xabar berilgan edi. 

Bugun, 19 iyun kuni Navoiy, Buxoro va Samarqand viloyatilarida kuchli shamol esishi natijasida chang-qumli g`ubor hodisasi yaqqol namoyon bo`ldi. FVV holat yuzasidan quyidagilarni ma`lum qildi: 

O`zbekistonda, Markaziy Osiyo va qo`shni mamlakatlarda changli bo`ron hodisalari azaldan tez-tez uchrab turadi. Odatda, havoga ko`tarilgan qum va chang massalari shamol kuchsizlashgandan so`ng tarqaladi va erga o`tiradi.

Hozirgi daqiqalarga qadar holat yuzasidan jabrlanganlar to`g`risida FVVga murojaatlar kelib tushmagan, deyiladi xabarda.