Ozarbayjon Tashqi ishlar vazirligi Armaniston bosh vaziri Nikol Pashinyanning asossiz ayblovlariga javob berdi. Bu haqda "Anadolu" yozmoqda.
“Biz Armaniston Bosh vaziri Nikol Pashinyanning 22 iyun kuni hukumat yig`ilishida Ozarbayjon tomonidan “Xalqaro sud qaroriga zid ravishda, Lochin yo`lida noqonuniy blokada” amalga oshirilgani haqidagi bema`ni ayblovlarni qat`iyan rad etamiz”, - deyiladi Ozarbayjon Tashqi ishlar vazirligi bayonotida.
TIVning ta`kidlashicha, Ozarbayjonning Qorabog` hududida yashovchi arman millatiga mansub fuqarolarning har ikki yo`nalishda "Lochin" chegara punkti orqali shaffof va xavfsiz o`tishi uchun tegishli shart-sharoitlar yaratilganiga qaramay, iyun oyida Armaniston qurolli kuchlarining provokasiyasi sodir bo`lgan.
Ozarbayjon Tashqi ishlar vazirligi asli arman bo`lgan rezidentlar bilan muloqot, shuningdek, Ozarbayjon qonunchiligi doirasida Ozarbayjon hududida yashovchi shaxslarning huquq va erkinliklarini ta`minlash masalasi Ozarbayjonning ichki ishi ekanligini yana bir bor ta`kidladi:
"Ozarbayjon arman millatiga mansub aholini qayta integrasiya qilish uchun zarur choralarni ko`rishga qat`iy qaror qildi, bu va boshqa masalalarni muhokama qilish uchun arman millatiga mansub fuqarolarga yuborilgan taklif hali ham mavjud", - deydi TIV.
