Xitoyning Siyamen portidan Sergeli stansiyasiga Eron orqali birinchi konteyner poezdi harakati yo`lga qo`yildi. Bu haqda "O`ztemiryo`lkonteyner" AJ xabar bermoqda.
Ma`lum qilinishicha, tarkibida maishiy texnika yuklari (muzlatgich, kir yuvish mashinasi, gaz plitalari) bo`lgan konteynerlar Xitoydan dengiz orqali Bander-Abbas portiga olib kelinadi hamda Eronning Bander-Abbas portida temir yo`l platformalariga ortilgan holda Turkmaniston orqali O`zbekistonga kirib keladi.
39 ta 40 futlik konteynerlardan tashkil topgan blok poezdi Bander-Abbas portidan Sergeli stansiyasigacha 14 kunda etib kelishi belgilangan. Hozirda konteyner poezdi O`zbekiston hududiga o`tgan bo`lib, 25 iyun kuni Toshkent shahriga etib kelishi rejalashtirilgan.
