"015", "021", "075" va "715" kabi talabgorlari ko`paygan davlat raqam belgilari endi auksionga qo`yiladi. Bu haqda O`zbekiston Respublikasi Ichki ishlar vazirligi Jamoat xavfsizligi departamenti Yo`l harakati xavfsizligi xizmati xabar berdi.
Xaridorgir davlat raqam belgisini hududiy Ro`yxatdan o`tkazish va imtihon olish bo`linmasiga 12 oy muddatga saqlashga qo`yilgandan keyin BHMning bir baravari miqdorida to`lov qilish orqali yana bir marotaba 12 oydan ko`p bo`lmagan muddatga saqlash uchun qo`yish mumkinligi belgilandi.
Xaridorgir davlat raqam belgilarining ayrim toifalari bo`yicha to`lov stavkalariga o`zgartirish kiritildi.
