Kelgusi o`quv yilidan bakalavr pedagog kadrlar tayyorlash to`liq davlat grantiga o`tkaziladi. Bu haqda Prezidentlikka nomzod Shavkat Mirziyoev sirdaryolik saylovchilar bilan uchrashuvda ma`lum qildi.
“Pedagogika yo`nalishidagi oliygohlarni alohida yondashuv asosida rivojlantiramiz.
Kelgusi o`quv yilidan:
- bakalavr pedagog kadrlar tayyorlashni to`liq davlat grantiga o`tkazamiz;
- magistraturada esa, kvotalar 2 karra oshirilib, to`liq davlat hisobidan bo`ladi;
- kadrlar etishmaydigan, ta`lim sifati og`ir maktablar oldindan tanlanib, ular uchun maqsadli davlat buyurtmasi joriy qilinadi. Bunda, buyurtma asosida o`qishni tamomlagan yoshlarga, ushbu maktablarda borib ishlashlari uchun jozibador rag`batlantirish tizimini yo`lga qo`yamiz.
Pirovardida, 2030 yilga borib bog`cha tarbiyachisi ham, maktab o`qituvchisi ham faqat va faqat oliy ma`lumotli bo`ladi”, – dedi nomzod.
