Ijtimoiy tarmoqlarda Toshkentdagi ko`chalarning birida shaxsi noma`lum bo`lgan erkak yalang`och holatda guldasta ko`tarib ketayotganligi aks etgan video tarqaldi.
Holat yuzasidan Toshkent shahar IIBB axborot xizmati ma`lumot berdi.
Ma`lum qilinishicha, joriy yilning 4 avgust kuni Yunusobod tumani 11-mavze hududida 1992 yilda tug`ilgan T.A. qo`lida guldasta bilan yalang`och holda jamoat joyida harakatlanib, bu xatti-harakati bilan fuqarolarning norozichiligini keltirib chiqargan.
Holat yuzasidan Yunusobod tumani IIO FMB tomonidan o`tkazilgan tekshiruv jarayonida fuqaro T.A. Toshkent shahar Ruhiy-asab kasalliklar guruhi shifokori tomonidan ko`rikdan o`tkazilgan. Ko`rik natijasida fuqaro T.A.ning ruhiyatida buzilish aniqlanganligi sababli fuqaro shahar ruhiy-asab kasalliklar shifoxonasiga yuborilgan.
Hozirda holat yuzasidan tergoga qadar qo`shimcha tekshiruv ishlari davom ettirilmoqda, deyiladi xabarda.
