Xabaringiz bor 2021 va 2022 yillarda respublika yoshlari o`rtasida futbol hamda mini-futbol bo`yicha Davlat xavfsizlik xizmati kubogi musobaqalari o`tkazildi. Joriy yilda Qoraqalpog`iston Respublikasi, viloyatlar va Toshkent shahrida o`g`il bolalar o`rtasida futbol va mini-futbol hamda ilk marotaba qizlar o`rtasida mini-futbol bo`yicha DXX kubogi musobaqalari uch bosqichda o`tkazilmoqda.
Birinchi bosqich – tuman/shaharlar kesimida aprel-may oylarida o`tkazildi.
Ikkinchi bosqich – Qoraqalpog`iston Respublikasi, viloyatlar va Toshkent shahri miqyosida iyun-iyul oylarida o`tkazildi.
Respublika bosqichi – 21-25 avgust kunlari “Bunyodkor” futbol akademiyasi maydonlarida, final o`yini esa 26 avgust kuni “Jar” stadionida o`tkaziladi. Unda 42 ta jamoa g`oliblik uchun kurashadi.
"Musobaqaning nizomiga ko`ra har bir jamoa yakuniy final bosqichi oldidan musobaqaning tashkiliy qo`mitasiga ishtirokchilar ro`yxatini taqdim etadi. Ya`ni ariza varaqasini topshiradi. Aynan mana shu ariza varaqasi O`zPFLning musobaqalarni o`tkazish bo`limi tomonidan sinchiklab o`rganiladi. Ya`ni 2022, qolaversa 2023 yillrda O`zPFL tomonidan o`tkazilgan musobaqalarda ishtirok etuvchi jamoa safida ro`yxatidan o`tganmi yoki yo`q. Aynan mana shu jihat o`rganiladi. Agar qaysidir jamoa tarkibida shunday (professional) futbolchi aniqlansa unga musobaqada ishtirok etishiga yo`l qo`yilmaydi", - deya ta`kidladi O`zPFL bo`lim boshlig`i Zahirjon Akromxonov.
"Yildan-yilga ishtirokchilar soni, yoshlarimizning musobaqaga qiziqishi oshib borilayotganligini ko`ryabmiz. Mana yaqqol raqamlar ko`rsatayabdi 300 mingga yaqin ishtirokchilar, 21 mingdan oshiq jamoalar va eng kerakligi iqtidorli futbolchilarni ana shu erda aniqlab, jamoalaraga jalb qilish, professional futbolga birinchi qadamini tashlash holatlari ko`payib borayapti. Agar o`tgan yili biz 200 dan oshiq futbolchilarni professional futbolga birinchi qadamini tashlaganini ko`rgan bo`lsak, bu yil 365 ta futbolchilar professional jammoalraga o`tib, hayotlarini futbol bilan bog`laganlarini guvohi bo`layapmiz", - Ravshan Irmatov, O`zbekiston futbol assosiasiyasi birinchi vise-prezidenti.
Kuni kecha poytaxtimizda ishtirokchi jamoalar vakillari, tashkilotchilar hamda futbol mutasaddilari ishtirokida Respublika bosqichiga qur`a tshlash marosimi bo`lib o`tdi. Unda har bir yo`nalish bo`yicha 14 tadan jamoa guruhlarga bo`lindi. Quyida qur`a natijalari bilan tanishishingiz mumkin.
