24 avgust kuni Kuala-Lumpurda Osiyo Chempionlar ligasining 2023/2024 yilgi mavsumi uchun qur`a tashlash marosimi bo`lib o`tdi.
O`zbekistonning ”Paxtakor”, ”Nasaf”, ”Navbahor“ va AGMK futbol klublarining OChLning 2023/2024 yilgi mavsumi guruh bosqichidagi raqiblari nomi ma`lum bo`ldi.
AGMK tarkibiga Karim Benzemani qo`shib olgan ”Al-Ittihod“ bilan, ”Navbahor” esa Neymar bilan shartnoma tuzgan ”Al-Hilol“ bilan o`ynaydigan bo`ldi.
Qur`a natijasiga ko`ra, musobaqaning G`arbiy mintaqasidagi guruhlar quyidagicha ko`rinish oldi:
”A” guruhi: ”Paxtakor“ (O`zbekiston), ”Al-Fayha“ (Saudiya Arabistoni), ”Ahal” (Turkmaniston), ”Al-Ayn” (BAA);
”B“ guruhi: ”As-Sadd” (Qatar), ”Nasaf“ (O`zbekiston), ”Al-Faysali” (Iordaniya), ”Sharja” (BAA);
”S“ guruhi: ”Al-Ittihod” (Saudiya Arabistoni), ”Sepahon” (Eron), ”Eyr Fors“ (Iroq), AGMK (Olmaliq);
”D” guruhi: ”Al-Hilol” (Saudiya Arabistoni), ”Nassaji Mozondaron” (Eron), ”Mumbay Siti“ (Hindiston), ”Navbahor” (O`zbekiston);
”E” guruhi: ”Persepolis“ (Eron), ”Duhayl” (Qatar), ”Istiqlol” (Tojikiston), ”An-Nasr” (Saudiya Arabistoni).
Guruh bosqichi uchrashuvlari quyidagi sanalarda bo`lib o`tadi:
1-tur. 18−20 sentyabr;
2-tur. 2−4 oktyabr;
3-tur. 23−25 oktyabr;
4-tur. 6−8 noyabr;
5-tur. 27−29 noyabr;
6-tur. 4−6 va 12−13 dekabr.
