Butunjahon boks assosiasiyasi (WBA) o`zbekistonlik professional bokschi Murodjon Ahmadaliev va meksikalik Kevin Gonsales jangiga buyruq berdi. Bu haqda tashkilot o`z sahifasida ma`lum qildi.
Xabarda aytilishicha, Ahmadaliev va Gonsales tomonlari 30 kun ichida jang bo`yicha kelishuvga erishishi kerak. Agar tomonlar murosaga kela olmasa WBA har ikki bokschiga 50 foizdan gonorar taqsimlashni taklif qiladi.
Ma`lumot uchun, Ahmadaliev profboksda 12 ta jang o`tkazib, 11 ta g`alaba qayd etgan. U oxirgi jangida filippinlik Marlon Tapalesga mag`lub bo`lib, o`ziga tegishli bo`lgan WBA va IBF kamarlarini boy bergandi.
Kevin Gonsales esa profringda 26 ta jang o`tkazgan va hali biror marta mag`lubiyatga uchramagan. Uning 1 ta jangida durang qayd etilgan.