Qozog`iston prezidenti Qosim-Jo`mart To`qaev davlat rahbari administrasiyasini qayta tashkil etish to`g`risidagi farmonni imzoladi, unga ko`ra administrasiya rahbari o`rinbosarlari lavozimlari tugatildi.
“Ushbu hujjatga muvofiq, Prezident administrasiyasining yangilangan tuzilmasi quyidagilardan iborat bo`ladi:
- Prezident administrasiyasi rahbari;
- xavfsizlik kengashi kotibi;
- Prezident kanselyariyasi rahbari;
- prezident yordamchilari;
- prezident maslahatchilari;
- Prezident administrasiyasi bo`limlari”, — deyiladi prezident matbuot xizmati xabarida.
Bundan tashqari, prezidentning ichki siyosat va kommunikasiyalar, iqtisodiyot, xalqaro munosabatlar, huquq, shuningdek, fan va innovasiyalar bo`yicha yordamchilari lavozimlari tashkil etilmoqda.
