AQSh prezidenti Jo Bayden Xitoy rahbari Si Szinpin Dehlidagi G20 sammitida qatnashmasligi mumkinligi haqidagi xabarlardan hafsalasi pir bo`lganini aytdi, deb xabar bermoqda OAV.
"Hafsalamiz pir bo`ldi, lekin men u bilan uchrashmoqchiman", dedi Bayden jurnalistlarga.
Prezident o`tgan hafta Si Szinpin sammitda ishtirok etishiga umid qilishini aytgan edi. Shu bilan birga, AQSh ma`muriyatining ikki vakiliga tayanib xabar qilinishicha, Si Szinpin bilan sammit doirasida rasmiy uchrashuv rejalashtirilmagan.
“Agar Si Szinpin G20ga boradigan bo`lsa, ikki etakchi bir-birlarini samimiy kutib olishlari mumkin, biroq bu ayni damda AQSh rasmiylari eng ko`p kutgan muloqotdir”, deyiladi bayonotda.
Ko`plab ommaviy axborot vositalari Xitoy rahbari o`tgan hafta sammitga bormasligi mumkinligi haqida yozgan.
Xitoy Tashqi ishlar vazirligi davlat rahbarining sammitdagi ishtiroki haqidagi savolga javoban avvalroq ularda bunday ma`lumot yo`qligini ma`lum qilgan edi.
OAV xabarlarida Si Szinpinning G20 yig`ilishida ishtirok etmasligi sabablari tilga olinmagan, kuzatuvchilar rad etish Xitoy va Hindiston o`rtasidagi hududiy nizolar bilan bog`liq bo`lishi mumkin, degan fikrdalar.
Ommaviy axborot vositalarining qayd etishicha, Bayden hamon Xitoy rahbari bilan aloqalar o`rnatishdan – Vashington va Pekin o`rtasidagi munosabatlardagi keskinlikni kamaytirishdan manfaatdor. Ularning uchrashuvi noyabr oyida San-Fransiskoda bo`lib o`tadigan sammit doirasida bo`lib o`tishi mumkin.
