Ilon Mask tomonidan asos solingan Neuralink kompaniyasi falaj bo`lgan odamlarni miya chiplarini o`zlarida sinab ko`rish uchun ko`ngilli bo`lishga taklif qilmoqda.
Tadqiqot maqsadi faqat fikrlar yordamida kompyuter kursorini yoki klaviaturasini boshqarish imkonini yaratishdir. Robot-jarroh miya-kompyuter interfeysini miyani boshqaradigan sohasiga joylashtiradi.
Neuralink avvalroq 10 nafar bemorga implant implantasiyasini rejalashtirgan edi, biroq hozirgi va sobiq xodimlariga ko`ra, AQSh oziq-ovqat va farmasevtika idorasi(FDA)ning xavotirlari tufayli bu rejani qayta ko`rib chiqmoqda. FDA tomonidan tasdiqlangan bemorlar soni noma`lumligicha qolmoqda.
Joriy yilning may oyida Neuralink odamlarda birinchi klinik sinovini o`tkazish uchun FDA ruxsatini oldi. 2022 yil oxirida kompaniya o`z chipini maymunning miyasiga implantasiya qilish orqali sinovdan o`tkazayotgan edi.
