Boks bo`yicha Tokio-2020 Olimpiadasi chempioni Bahodir Jalolov Osiyo o`yinlarining finaliga yo`l oldi.
Eng og`ir vazn toifasida yurtimiz sharafini himoya qilayotgan Jalolov yarim finalda xitoylik Bayikevuzi Danabiekeni 1-raunddayoq nokaut bilan mag`lubiyatga uchratishga erishdi va 5 oktyabr kuni oltin medal uchun jang qiladigan bo`ldi.
Bundan tashqari, bokschi ushbu g`alabasi orqali Parij-2024 XXXIII yozgi Olimpiya o`yinlariga ham yo`llanmani qo`lga kiritdi.
Bu Jalolov uchun faoliyatidagi uchinchi Olimpiada yo`llanmasi hisoblanadi.
