Kremlda Putinning yangi muddatga nomzodini ko`rsatish strategiyasi allaqachon ishlab chiqilgan. Prezident ma`muriyati Putinning prezidentlikka nomzodini ko`rsatish ikki bosqichda amalga oshirilishi rejalashtirilganini tasdiqladi, deb yozadi “Kommersant” manbalariga tayanib.
Davlat rahbari yangi muddatni qabul qilishga roziligini oshkora e`lon qiladigan birinchi bosqich noyabr oyiga mo`ljallangan, undan oldin davlat rahbari ishtirokida bir qancha tadbirlar o`tkazilishi rejalashtirilgan.
Ikkinchi bosqichda, Putin nomzodini qo`llab-quvvatlash uchun imzolar to`plash rejalashtirilgan.
“Targ`ibot kampaniyasi qancha qisqa bo`lsa, nomzod uchun shuncha yaxshi. Bular siyosiy texnologiyaning asoslari. Bunda yangilik yo`q”, dedi avvalroq “Gazeta.Ru”ning Kremlning amaldagi ichki siyosiy bloki bilan ishlagan suhbatdoshlaridan biri.
Prezident ma`muriyati hukmron “Yagona Rossiya” partiyasining dekabr oyida bo`lib o`tishi rejalashtirilgan qurultoyida Putin nomzodini ko`rsatish variantini ham ko`rib chiqadi.
Biroq Fuqarolik jamiyatini rivojlantirish jamg`armasi rahbari Konstantin Kostin “Gazeta.Ru” bilan suhbatda partiyadan Putin nomzodi ko`rsatilishi ma`lum kamchiliklardan xoli emasligini ta`kidladi. Xususan, ekspertning ta`kidlashicha, bu "tartibni soddalashtiradi, lekin saylov bazasini toraytiradi".
