Chikagolik 104 yoshli ayol 4100 metr balandlikdan sakrab, Ginnesning rekordlar kitobidan dunyodagi eng keksa parashyutchi sifatida joy olishni umid qilmoqda.
O`qituvchilar keksa Doroti Xoffnerga bortga chiqishga yordam berishdi, shundan so`ng samolyot to`rt kilometrdan ko`proq balandlikka ko`tarildi. Amerikalik tajribali parashyutchi Derek Baxter bilan tandemda sakrashni amalga oshirdi.
Trenerning aytishicha, sakrashdan oldin ayol o`zini xotirjam va ishonchli tutgan. Xoffner, "yosh shunchaki raqam" ekanligini qo`shimcha qildi va uning keyingi sarguzashtlari havo sharida sayr qilish bo`lishini ta`kidladi.
Hozircha bu yo`nalish bo`yicha rekord 2022 yil may oyida parashyutdan sakragan shvesiyalik 103 yoshli Linniya Ingegaard Larssonga tegishli. Xoffnerning sakrashini tashkil qilgan kompaniya ham Ginnesning rekordlar kitobiga amerikalik yutug`ini rekord deb tan olishidan manfaatdor ekanligini bildirdi.
