Bugun "Xanchjou-2022" XIX Osiyo o`yinlarining o`n birinchi kungi bahslari boshlandi.
Unda O`zbekiston sportchilari ot sporti, veloshosse, yunon-rum kurashi, chim ustida xokkey, suvga sakrash, boks, shaxmat, og`ir atletika, engil atletika va futbol turlarida vatanimiz sharafini himoya qilayaptilar.
Jumladan, futbol bahslarining yarim final uchrashuvlari bo`lib o`tadi. Unda O`zbekiston va Janubiy Koreya olimpiya terma jamoalari o`zaro bellashadi. Uchrashuv Toshkent vaqti bilan soat 17:00 da boshlanadi.
Bundan tashqari, boks bo`yicha -51 kg vaznda yarim final bahsi ham ko`pchilikni qiziqtirish tabiiy. Ushbu jang Hasanboy Do`smatov - Tomoya Suboi (Yaponiya) o`rtasida bo`lib o`tadi.
Xitoyda bo`lib o`tayotgan XIX Osiyo o`yinlari 8 oktyabrgacha davom etadi.
