O`zbekiston futbol assosiasiyasi Tartib-intizom qo`mitasining navbatdagi yig`ilishi bo`lib o`tdi. Unda so`nggi turlar doirasida bo`lib o`tgan uchrashuvlardagi intizomiy ishlar ko`rib chiqildi.
Superliganing 19-turi doirasidagi “Andijon” — “Navbahor lochinlari” uchrashuvi yakunlangandan so`ng “Navbahor lochinlari” futbol klubining vise-prezidenti O. Samatov uchrashuv komissarining ogohlantirishiga qaramay, hakamlikka e`tiroz bildirish tartibiga rioya qilmasdan, uchrashuv rasmiylari ko`z o`ngida futbol klubi rahbariyatiga xos bo`lmagan noto`g`ri xatti-harakatlar amalga oshirgani hamda provakasion harakat qilgani qayd etilgan.
Tartib-intizom qo`mitasining qaroriga ko`ra, quyidagilarga nisbatan Otabek Samatovga (“Navbahor lochinlari”) nisbatan jarima intizom chorasi qo`llanildi.
