Samara universiteti olimlari inson tanasining yurak va puls ritmlariga asoslangan holda qon tomirlarining qayishqoqligini baholashga imkon beradigan maxsus diagnostika usulini taklif qildi. Bu aterosklerozni dastlabki bosqichlarda tashxislash, shuningdek, og`ir yurak kasalliklarining oldini olish imkonini beradi.
Inson qon aylanish tizimining xususiyatlaridan biri tomirlarning qayishqoqligidir. Agar devorlar qattiq bo`lsa, yurak xuruji hamda aterosklerozga moyillikni ko`rsatadi.
Qon tomirlarining joriy qayishqoqligini baholash uchun an`anaviy ravishda qimmatbaho ultratovush uskunalari va rentgen tizimlariga asoslangan usullar qo`llaniladi. Bu esa yuqori malakali mutaxassislarning ishtirokini talab qiladi. Samara universitetida yangi usul taklif qilindi: yurak urishi va ritmlarini tahlil qilish.
Kelajakda noinvaziv baholashning ushbu juda oddiy usulini joriy etish dastlabki tashxis samaradorligini sezilarli darajada oshiradi, shuningdek, ko`p hollarda yurak xurujining oldini oladi. Kelajakda tadqiqotchilar yurak-qon tomir tizimining faoliyati sohasidagi bilimlarni kengaytirish uchun ko`proq mutaxassislar e`tiborini jalb qilish niyatida.
