Engil vazn toifasida UFCning rossiyalik chempioni Islom Maxachev Aleks Volkanovskiy bilan jangidan so`ng Falastin va G`azo sektorini qo`llab-quvvatladi.
“Men bu g`alabani dunyodagi vaziyat tufayli nishonlamayman. Falastin, biz siz bilanmiz! G`azo sektori, biz siz bilanmiz! To`xtating!” — dedi Maxachev jangdan keyin.
21 oktyabr kuni Maxachev Abu-Dabidagi (BAA) UFC 294 turnirida asosiy jangda Avstraliya vakili Aleks Volkanovskiy ustidan muddatidan avval g`alaba qozondi. Rossiyalik birinchi raunddayoq raqibini nokaut evaziga mag`lub etdi va ikkinchi marta chempionlik unvonini himoya qildi.
