Xanchjoudagi Para Osiyo o`yinlari yakuniga etdi! Unda ishtirok etgan O`zbekiston delegasiyasi 25 ta oltin, 24 ta kumush va 30 ta bronza, jami 79 ta medalni qo`lga kiritdi. E`tiborlisi, bu O`zbekiston delegasiyasining Para Osiyo o`yinlari tarixida medallar soni bo`yicha eng yaxshi natijasi bo`ldi, deya xabar bermoqda O`zbekiston Milliy paralimpiya qo`mitasi axborot xizmati.
Xabarda aytilishicha, bunday g`alabalar Muhtaram Prezidentimiz va davlatimiz tomonidan Paralimpiya harakatini qo`llab-quvvatlash va rivojlantirishga qaratilayotgan e`tiborning samarasidir.
O`zbekiston Milliy paralimpiya qo`mitasi ushbu tarixiy muvaffaqiyat bilan barcha yurtdoshlarimiz, sportchi va murabbiylar, bu natija yo`lida mehnati singgan barcha mutaxassislarni samimiy qutlaydi, deyiladi xabarda.