Bosh prokuratura huzuridagi Departamentning Marg`ilon shahar bo`limi tomonidan tezkor tadbir o`tkazildi. Bu haqda Departament Matbuot xizmati xabar bermoqda.
Unda fuqaro M.S. 4 nafar fuqaroga tanishlari yordamida haydovchilik guvohnomasini olish uchun bo`lib o`tadigan imtihonlarga qatnashmasdan haydovchilik guvohnomasini olib berish evaziga fuqaro M.Yu.dan 3 200 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 25, 168-moddasi (firibgarlik) bilan jinoyat ishi qo`zg`atilib, tergov harakatlari o`tkazilmoqda.
